Babykuku.com January 10, 2018

ការសែកក្នុងស្រុកថៃបានចុះផ្សាយថា នាយករដ្ឋមន្ត្រីថៃ លោកប្រាយុទ្ធ ចាន់អូចា បានជ្រើសរើសយកយុទ្ធសាស្ត្រថ្មីមួយ ដើម្បីគេចចេញពីសំណួរអ្នកសារព័ត៌មាន ដោយទុកឱ្យផ្ទាំងរូបភាពក្រដាស កាតុងតំណាងរូបលោកជាអ្នកឆ្លើយសំណួរជំនួស។ នេះបើតាមការចេញផ្សាយដោយទីភ្នាក់ងារសារព័ត៌មាន BBC នៅថ្ងៃអង្គារ ទី០៩ ខែមករា ឆ្នាំ២០១៨។

លោក ប្រាយុទ្ធ បានគេចវេសឆ្លើយសំណួរអ្នកសារព័ត៌មាន នៅអំឡុងសន្និសីទសារព័ត៌មានដ៏ខ្លីមួយនៅខាងក្រៅវិមានរដ្ឋាភិបាលក្នុងទីក្រុងបាងកក កាលពីថ្ងៃចន្ទ។ ថ្លែង នាឱកាសនោះដែរនាយករដ្ឋមន្ត្រីថៃរូបនេះបានគូសបញ្ជាក់ដូច្នេះថា៖ «បើសិនជាអ្នកចង់សួរខ្ញុំពីរឿងនយោបាយ និងជម្លោះ អ្នកអាចសួរបុរសម្នាក់នេះបាន»។ ប៉ុន្តែគ្រាន់តែនិយាយរួចភ្លាម លោក ប្រាយុទ្ធ ក៏ដើរចេញទៅឆ្ងាយពីអ្នកសារព័ត៌មាន។

គួរបញ្ជាក់ថា លោក ប្រាយុទ្ធ ចាន់អូចា បានឡើងកាន់អំណាចជានាយករដ្ឋមន្ត្រីថៃ ក្រោយមានរដ្ឋប្រហារយោធាកាលពីឆ្នាំ២០១៤។ ចំណែកឯ រដ្ឋាភិបាលរបស់លោក បានសន្យាជាច្រើនដងថានឹងរៀបចំការបោះឆ្នោតសកល ប៉ុន្តែពួកគេតែងតែប្រកាសពន្យាពេលជាបន្តបន្ទាប់៕

លទ្ធផល​រូបភាព​សម្រាប់ នាយករដ្ឋមន្ត្រីថៃ លោកប្រាយុទ្ធ ចាន់អូចា

លទ្ធផល​រូបភាព​សម្រាប់ នាយករដ្ឋមន្ត្រីថៃ លោកប្រាយុទ្ធ ចាន់អូចា

រូបភាពពាក់ព័ន្ធ

លទ្ធផល​រូបភាព​សម្រាប់ នាយករដ្ឋមន្ត្រីថៃ លោកប្រាយុទ្ធ ចាន់អូចា

លទ្ធផល​រូបភាព​សម្រាប់ នាយករដ្ឋមន្ត្រីថៃ លោកប្រាយុទ្ធ ចាន់អូចា

Leave a comment.

Your email address will not be published. Required fields are marked*